ОЕ - Служба ПЗЗ Центар, како организациона единица на ЈЗУ Здравствен Дом на Скопје, овозможува превентивна здравствена заштита на населението од општина Центар и дел од општина Чаир.
ОЕ - Служба за ПЗЗ Центар има два објекта: 1. Поликлиника Бит Пазар 2. Поликлиника Идадија.

а) Ординации за предучилишни и училишни деца и поливалентна патронажа б) Ординации за стоматолошка заштита на деца до 14 години в) Ординации за примарна здравствена заштита
Делокруг на работа: Пружање на примарна здравствена заштита, превентивна и стоматолошка здравствена заштита на деца до 14 години и вршење на поливалентни патронажни посети на населението од сите возрасти. Начини и форми на раководење: Стручен колегиум со главен здравствен работник и со вработените во службата заради спроведување и унапредување на квалитетот на здравствената заштита. 

ОЕ Службата за превентивни и здравствени услуги на спортисти располага со:
- Одделение за функционална дијагностика - Одделение за архивирање, наплата на услугите и одржување на хигиена

ОЕ Заводот за ментално здравје на деца и младинци „Младост“ Скопје, со својата основна дејност- заштита и унапредување на менталното здравје на децата и младинците спроведува примарна, секундарна и терциерна превенција на менталното здравје, односно работи на спречувањето на појава на душевни растројства кај децата и младинците, нивно рано откривање и дијагностицирање, како и лекување и рехабилитација. Сепак основната усмереност е кон примарната превенција, преферирајќи социо-медицински пристап кон појавите што ги третира.
Стручното работење е организирано во три организациони единици, како посебни делови во процесот на трудот- диспанзер, дневна болница (одделение за полустационарен третман за деца и младинци ) и медико-генетско советувалиште со цитогенетска лабараторија (одделение за цитогенетски иследувања ).